Starfsemi í tækjasal ÍMS verður heimil með ströngum skilyrðum.

• Fréttir
• 19. janúar 2021

Frá og með deginum í dag 19. janúar verður opnað fyrir aðgang i tækjasal ÍMS en nauðsynlegt er að bóka tíma í síma 464-4225, hámarkstími fyrir hvern og einn er 50 mínútur.

Hægt verður að bóka tíma:

Mánudaga- fimmtudaga 09:10- 19:10

Föstudaga - Lokað

Laugardaga 08:10-14:10

Sunnudaga – Lokað

Mikilvægt er að allir fari eftir settum reglum svo hægt verði að halda starfsemi ÍMS opinni

Vinsamlegast kynnið ykkur vel leiðbeiningar fyrir starfsemi heilsu- og líkamsræktarstöðva vegna COVID-19

Eingöngu er heimilt að hafa opið fyrir skipulagða hóptíma

• Allir þáttakendur þurfa að skrá sig fyrirfram í hóptíma til að auðvelda smitrakningu.
• Hámarksfjöldi í hópæfingasal er 20 einstaklingar og skal sá hópur hafa aðgang að salernum sem ekki eru samnýtt af öðrum, á meðan einstaklingarnir dvelja á staðnum.
• Hver þátttakandi í hóptíma hafi æfingasvæði að lágmarki 4 fermetra (2m í hverja átt). Hver þáttakandi heldur sig innan síns svæðis út alla æfinguna.
• Engum búnaði má deila milli einstaklinga innan hvers tíma.
• Tryggja skal góða loftræstingu í salnum (með loftræstikerfi og að opna glugga).
• Hlé skal vera á milli tíma til loftræstingar og sótthreinsunar búnaðar og snertiflata og til þess að hópar mætist ekki í rýmum hússins t.d. á göngum og í anddyri.

Þátttakendur, þjálfarar og rekstraraðilar ber að gæta persónulegra sóttvarna

• Allir eiga að vera með hreinar hendur og spritta þær við komu á staðinn, eftir snertingu við mengað svæði og eftir að æfingum er lokið.
• Í sameiginlegum rýmum skal tryggja 2ja metra fjarlægð milli einstaklinga en ef því verður ekki við komið skulu þeir sem eru á svæðinu nota andlitsgrímur.
• Hver tími verði að hámarki 60 mín. og viðvera hvers iðkanda í húsi verði því aldrei lengri en 60 mín.
• Búningsklefar skulu vera lokaðir og þátttakendur komi tilbúnir til æfinga í stöðina.

Hreinsun og sótthreinsun búnaðar

• Tryggja þarf greiðan aðgang þátttakenda að handspritti og sótthreinsiklútum.
• Eftir æfingu sótthreinsi allir þann búnað sem þeir notuðu.
• Rekstraraðilar heilsu- og líkamsræktarstöðva bera ábyrgð á að allur búnaður sé sótthreinsaður milli hópa.
• Starfsmaður sjái um að þrífa og sótthreinsa snertifleti í æfingasal, salerni, vaska og aðra snertifleti.
• Upplýsingaskilti um smitvarnir eiga að vera sýnileg öllum.

Reglur þessar verða endurmetnar 17. febrúar 2021

• Síðast uppfært: 19. janúar 2021