1.

Gestastofa í Mývatnssveit - 2005040

Formaður nefndarinnar fór yfir hvernig staðan væri á að koma upp gestastofu í Mývatnssveit. Lagt fram bréf til kynningar sem sveitarstjóri og oddviti sendu til fjármálaráðuneytisins þann 9. september s.l. vegna gestastofu og nýsköpunarmöguleika tengt kaupum ríkisins á hótel Gíg.

Atvinnumála- og framkvæmdanefnd tekur undir erindi bréfsins og leggur áherslu á að gengið verði frá þessu máli hið fyrsta.

Samþykkt

2.

Atvinnustefna Skútustaðahrepps - 1810052

Tekin fyrir að nýju atvinnustefna Skútustaðahrepps sem var áður á dagskrá fundar nefndarinnar þann 24. janúar 2019. Þá frestaði nefndin því að hefja vinnu við gerð atvinnustefnu þar til endurskoðun á Aðalskipulagi Skútustaðahrepps 2011-2023 hæfist.

Endurskoðun á Aðalskipulagi Skútustaðahrepps 2011-2023 er hafin og eru komin drög að skipulags- og matslýsingu í rýni hjá skipulagsnefnd og sveitarstjórn.

Formaður atvinnumála- og framkvæmdanefndar fór yfir þá vinnu sem hefur farið fram og áætlun um hvernig atvinnustefnan verði unnin.

Sveitarstjóri lagði til að útvíkka atvinnustefnu svo til yrði atvinnu- og nýsköpunarstefna. Einnig verði samvinna við þá aðila sem koma að gerð landbúnaðarstefnu sem er í vinnslu.

Samþykkt að formaður nefndarinnar í samvinnu við sveitarstjóra fari í að vinna stefnuna áfram.

3.

Fjárhagsáætlun 2021-2024 - 2008025

Sveitarstjóri fór yfir minnisblað vegna gerðar fjárhagsáætlunar fyrir 2021-2024.

4.

Skútustaðahreppur Framkvæmdir - 1803023

Skipulagsfulltrúi fór yfir þær framkvæmdir sem farið var í sumarið 2020. Einnig var farið yfir stöðu á þeim framkvæmdum sem enn er í gangi.

Samþykkt

5.

Aðgerðir sveitarstjórnar til viðspyrnu vegna Covid-19 - 2003023

Sveitarstjóri fór yfir aðgerðir sem sveitarstjórn hefur farið í og mun fara í til viðspyrnu vegna Covid - 19.

Samþykkt

6.

Íþróttahús og Reykjahlíðarskóli - Viðhaldsáætlun - 1911035

Skipulagsfulltrúi fór yfir stöðu mála á viðhaldi við íþróttahús og grunnskóla. Lokið hefur verið við að skipta um þakpappa og járn á grunnskólanum og hafa klefar í íþróttahúsi verið málaðir. Verið er að koma með tillögu að úrbótum á miðstöðvarkerfi í íþróttahúsi þar sem núverandi kerfi þarfnast uppfærslu og liggur húsið fyrir skemmdum vegna þess. Tekið fyrir minnisblað frá verkeftirliti sem sinnti eftirliti á þaki vegna skemmda í sólstofu grunnskólans, svalahurð á kennarastofu sem og ástandsmati við aðalinngang grunnskólans.

Samþykkt