6. fundur velferðar- og menningarmálanefndar haldinn  að Hlíðarvegi 6, 5. febrúar 2019 og hófst hann kl. 15:00.

Fundinn sátu:

Dagbjört Bjarnadóttir varaformaður, Ragnhildur Hólm Sigurðardóttir formaður, Sæmundur Þór Sigurðsson aðalmaður, Jóhanna Njálsdóttir aðalmaður, Ólafur Þ. Stefánsson aðalmaður og Þorsteinn Gunnarsson sveitarstjóri.

Fundargerð ritaði:  Þorsteinn Gunnarsson, sveitarstjóri.

       Dagskrá:

1. Mývetningur - Endurnýjun samnings – 1811001

Lagður fram endurnýjaður samningur við Mývetning, ungmenna- og íþróttafélag, til næstu þriggja ára.

Nefndin leggur til við sveitarstjórn að samningurinn verði samþykktur með áorðnum breytingum.

2. HSÞ - Rekstrarsamningur 2019-2021 – 1901024

Lagður fram nýr rekstrarsamningur HSÞ við Skútustaðahrepp fyrir árin 2019 til 2021.

Nefndin leggur til við sveitarstjórn að staðfesta samninginn.

3. Skútustaðahreppur - Lýðheilsustefna – 1901044

Lögð fram endurskoðuð lýðheilsustefna fyrir Skútustaðahrepp en hún var unnin af stýrihóp um Heilsueflandi samfélag. Hún byggir á stefnu eldri stýrihóps frá 2015.

Nefndinni líst vel á stefnuna og leggur til nokkrar breytingar. Jafnframt leggur nefndin til við sveitarstjórn að stefnan fari í opinbert umsagnarferli í sveitarfélaginu.

4. Skútustaðahreppur: Hamingja sveitunga - 1808046

Dagbjört fór yfir stöðu könnunarinnar um líðan Mývetninga sem Þekkingarnet Þingeyinga heldur utan um. Síðasti möguleiki til að svara könnunninni er næsta sunnudag.

5. Bókasafnið - Framtíðarsýn - 1811053

Farið yfir stöðuna á bókasafninu í kjallara Skjólbrekku en safnið er að sprengja núverandi húsnæði af sér. Jafnframt þarf að ráðast í endurbætur á aðgengi og gangi, skrá bókakost í Gegni o.fl.

Nefndin samþykkir að leita Menningarmiðstöðvar Þingeyinga um faglega aðstoð og úttekt á safninu.

6. Skútustaðahreppur Menningarstefna - 2019-2022 - 1808042

Vinnu við stefnuna frestað til næsta fundar.

Fleira ekki gert. Fundi slitið kl. 16:45

• Síðast uppfært: 6. febrúar 2019