Í vor var komið fyrir sorpgámum í sumarhúsahverfinu Birkilandi og hefur það mælst vel fyrir. Nú er komið að næsta áfanga.

Sumarhúsaeigendur í Mývatnssveit (annars staðar en í Birkilandi) athugið:

Skútustaðahreppur býður nú upp á aukna sorpþjónustu fyrir ykkur því tveimur sorpgámum verður komið fyrir við afleggjarann í Baldursheim. Gámarnir eru læstir en þið nálgist lyklana á skrifstofu Skútustaðahrepps frá og með þriðjudeginum 10. júlí n.k.

Athugið:

• Gámarnir eru tveir, annar fyrir almennt sorp og hinn fyrir pappír og plast.
• Mikilvægt er að þjappa ruslapokunum sem allra mest saman áður en þið setjið þá í gámana þar sem sveitarfélagið greiðir rúmmetragjald fyrir sorp.
• Vinsamlegast gangið vel um gámana og næsta nágrenni.
• Um tilraunaverkefni er að ræða og verður ákvörðun um framhaldið tekin af reynslu næstu mánaða.

Nánari upplýsingar eru gefnar á skrifstofu Skútustaðahrepps.

Athugið að þið hafið jafnframt aðgang að gámavellinum á Grímsstöðum. Opnunartími:

• Miðvikudagar kl. 15:00-16:00
• Laugardaga kl. 10:00-12:00

Allir greiðendur sorphirðugjalda, heimili og sumarbústaðir, geta nálgast klippikort fyrir gámasvæðið á Grímsstöðum á opnunartíma á skrifstofu sveitarfélagsins. Með sorphirðugjöldunum fylgir eitt klippikort á ári.

Skútustaðahreppur

• Síðast uppfært: 26. júní 2018