Félagsstarf eldri borgara (60+) hefst 21. september

  • Menning
  • 12. september 2017

Félagsstarf eldri borgara í Mývatnssveit, 60 ára og eldri, hefst að nýju eftir sumarleyfi með samverustund fimmtudaginn 21. september 2017. Starfið er með hefðbundnum hætti en fer fram í nýrri aðstöðu í stofu sem hefur verið útbúin í íþróttamiðstöðinni. Þar fer vel um starfið í bjartri og rúmgóðri stofu. Eldri borgarar hafa aðgang að stofunni alla daga vikunnar ef þeir vilja og geta nýtt sér aðstöðuna í íþróttahúsinu sér að kostnaðarlausu.

Félagsstarfið verður á fimmtudögum og hefst kl. 11:50 í leikfimi fyrir þá sem vilja.

Umsjón félagsstarfsins: Þórdís Jónsdóttir (Dísa). Til aðstoðar verður Ásta Price.

Auka leikfimistími:

Boðið verður upp á auka leikfimistíma fyrir eldri borgara á mánudögum kl. 10:00 í íþróttahúsinu hjá Ástu Price. Fyrsti mánudagstíminn verður 25. september.

Boðið upp á ókeypis akstur

Áfram verður boðið verður upp á akstur í samverustundina á fimmtudögum á vegum sveitarfélagsins og er eldri borgurum að kostnaðarlausu.

Þeir sem ætla að nýta sér aksturinn þurfa að láta vita í hvert skipti, í síðasta lagi daginn fyrir samverustundina, í síma 892 8585. Gísli Rafn Jónsson sér um aksturinn. Að lokinni samverustund er svo einnig boðið upp á akstur heim.

Vonandi sjáum við ykkur sem flest í félagsstarfinu í vetur. Maður er manns gaman.

Skútustaðahreppur

Deildu ţessari frétt