Kröfluvirkjun / Gestastofa

  • 30. ágúst 17

Kröflustöð er jarðgufustöð sem nýtir blöndu af há- og lágþrýstigufu úr 18 vinnsluholum til að knýja tvo 30 MW hverfla. Virkjun Kröflu var brautryðjendastarf og saga hennar einkennist um margt af því. Um hana stóðu pólitískar deilur árum saman og talsvert langan tíma tók að ná fullum afköstum.

Íslenska ríkið reisti Kröfluvirkjun en Landsvirkjun eignaðist stöðina árið 1985. Framkvæmdir hófust árið 1974 með tilraunaborunum en borun á vinnsluholum og bygging orkuvers hófust sumarið 1975. Fyrri vélasamstæða stöðvarinnar var gangsett í ágúst 1977 en vegna gufuskorts hófst vinnsla rafmagns ekki fyrr en í febrúar 1978.

Árið 1996 hófst uppsetning seinni vélasamstæðu stöðvarinnar. Nýjar holur voru boraðar, eldri holur lagfærðar og gufuöflun hefur gengið vel með endurbættri tækni, meðal annars stefnuborun.

Raforkuvinnsla með seinni vélasamstæðunni hófst í nóvember 1997 með hálfum afköstum en eftir að borun og endurbótum á gufuveitunni lauk 1999 hefur Kröflustöð starfað með tveimur vélasamstæðum og fullu 60 MW afli.

Krafla er eitt frægasta jarðhitasvæði heims og fá gestir færi á að kynnast jarðfræðinni á svæðinu, nýtingu og sögu jarðvarmans á Íslandi og tækifærum sem tengjast honum.

Gestastofa í Kröflu

Opnunartími gestastofunnar í Kröflu sumarið 2017 er milli kl. 10-17 alla daga frá 1. júní til 17. september.

Velkomið að hafa samband með því að senda tölvupóst á visit.us@landsvirkjun.is

Þátturinn Um land allt á Stöð 2 árið 2015 - Umfjöllun um Kröfluelda

Jarðhitakerfið í Kröflu

Nánar um Kröfluvirkjun 

Rannsóknarmiðstöð í eldfjallafræðum

Deildu ţessari frétt

AĐRAR SÍĐUR


Nýjustu fréttir