Laus störf

• Skútustaðahreppur
• 30. mars 2017

Eftirfarandi störf eru á lausu í Skútustaðahreppi:

Deildarstjóri óskast við leikskólann Yl í Mývatnssveit frá 1. ágúst. Um er að ræða 100% stöðu til 1 árs vegna námsleyfis. Möguleiki er á áframhaldandi starfi að þeim tíma loknum. Umsóknarfrestur er til 21. júní. Hvetjum karla jafnt sem konur til að sækja um.
Menntunar og hæfniskröfur
    Leyfisbréf leikskólakennara eða menntun sem nýtist í starfi
    Frumkvæði, sjálfstæði og fagleg vinnubrögð
    Góð færni í samvinnu, samskiptum og teymisvinnu
    Áhugi á starfi með börnum skilyrði
    Áhugi á starfsþróun og nýjum fjölbreyttum áherslum í skólastarfi
    Jákvæðni og sveigjanleiki
Einnig vantar í afleysingastöðu strax. Menntun æskileg en ekki skylda.
Leikskólinn Ylur er með 32 börn. Stefna leikskólans er Lífsleikni sem byggir á dygðakennslu. Hafin er innleiðing á Heilsueflandi leikskóla, Jákvæðum aga og Karellen leikskólakerfinu svo eitthvað sé nefnt. Mikil uppbygging í gangi og skemmtileg verkefni framundan.
Í Mývatnssveit búa um 500 manns. Í metnaðarfullri mannauðsstefnu sveitarfélagsins kemur m.a. fram að boðið er upp á flutningsstyrk, heilsustyrk, launað frí fyrir barnshafandi konur síðasta mánuð meðgöngu, starfsaldurstengdar greiðslur o.fl. fyrir starfsfólk. Við erum fjölskylduvænt samfélag þar sem er öflugt leikskóla- og grunnskólastarf, boðið er upp á ókeypis skólamáltíðir fyrir börn og  ókeypis frístund. Við erum heilsueflandi samfélag.
Nánari upplýsingar veitir Ingibjörg Helga Jónsdóttir leikskólastjóri í síma 8219404. Upplýsingar um launakjör eru veittar á skrifstofu Skútustaðahrepps. Skila þarf umsóknum ásamt ferilskrá á netfangið ingibjorg@skutustadahreppur.is  eða leggja inn starfsumsókn á heimasíðu leikskólans: ylur.leikskolinn.is undir  flipanum upplýsingar.

• Síðast uppfært: 4. júní 2019